Għotja ta’ ċittadini anzjani, abbrevjata bl-Ingliż bħala SCG.
L-allowance tal-€300 ġie introdott għall-ewwel darba fl-2012 għal dawk li kellhom 80 sena jew aktar. Fl-2013, l-età tnaqqset għal 78 sena. Fl-2014, il-grupp ta’ età reġa’ twessa’ fejn l-età tnaqqset għal 75, u b’hekk aktar persuni anzjani setgħu jibbenefikaw minn għotja bħal din.
Hija għotja ta’ pagament ta’ darba ta’ €300, maħruġa kull sena, li mhix taxxabbli u maħruġa għal persuni anzjani li għandhom 75 sena jew aktar li jgħixu fir-residenza tagħhom stess jew mal-qraba tagħhom fi djarhom stess u ma ġewx ammess f’xi istituzzjoni jew sptar.
Għal dawk il-persuni anzjani li l-75 sena ta’ għeluq sninhom jaqgħu f’xi parti mis-sena, tinħareġ is-somma prorata b’effett minn jum għeluq sninhom sal-aħħar tas-sena. Għal dawk li qed jirċievu pensjoni kontributorja jew mhux kontributorja mid-Dipartiment tas-Sigurtà Soċjali, l-għotja jirċevuha awtomatikament fix-xahar ta’ wara.
B’effett mill-2020, għal nies li għandhom 80 sena u aktar u li jgħixu f’darhom, l-għotja tiżdied għal €350.
Barra minn hekk, b’effett mill-2020, l-għotja taċ-ċittadin anzjan titħallas ukoll lil persuni anzjani li għandhom 75 sena u aktar, li jħallsu l-ispejjeż ta’ dar privata għalihom.
Min hu eliġibbli biex jirċievi l-għotja ta’ €300?
- Ċittadini Maltin li jgħixu b’mod permanenti f’Malta, li għandhom 75 sena jew aktar, li jgħixu fir-residenza tagħhom stess jew mal-qraba tagħhom.
- Persuni anzjani b’età minn 75 sena’ l fuq, li jħallsu l-ispejjeż ta’ dar privata.
- Il-barranin ukoll huma eliġibbli iżda jeħtieġ li jkollhom residenza permanenti f’Malta u jkollhom dawn in-nazzjonalitajiet:
Ä ġejjin mill-Istati Membri tal-Kunsill tal-Ewropa & għandhom il-Karta Soċjali Ewropea
-ġejjin mill-Istati Membri tal-Unjoni Ewropea & iż-Żona Ekonomika Ewropea
-ġejjin mill-Awstralja u l-Kanada (pajjiżi bi ftehim reċiproku)
Nota: Persuni anzjani li ma jirċevux l-ebda benefiċċju kontributorju jew mhux kontributorju mid-Dipartiment tas-Sigurtà Soċjali jeħtieġ li jimlew il-formola abbinata. L-applikanti jistgħu jżuru l-eqreb uffiċċju distrettwali tagħhom. L-applikazzjonijiet jistgħu jitniżżlu, jimtlew u jintbagħtu bil-posta jew jistgħu jiġu sottomessi online.
L-applikazzjonijiet ta’ għotja ta’ ċittadin anzjan jistgħu jitniżżlu, jiġu stampati u jintbagħtu bil-posta:
Hemm applikazzjoni online li tista’ tiġi sottomessa minn dawn il-links li ġejjin:
Barra minn hekk, il-persuni anzjani li n-numru tal-karta tal-identità tagħhom jintemm b’”A” jew “P”, u jissodisfaw il-kriterji ta’ hawn fuq, jeħtieġ li japplikaw kull sena biex jirċievu l-għotja, u jindikaw in-nazzjonalità tagħhom u jagħtu kopja tal-karta tal-identità tagħhom.
Ammissjoni f’istituzzjoni jew sptar għal perjodu ta’ żmien u rilaxxati fl-istess sena.
Jekk inti (jew qarib jew ħabib/a) intitolat/a għal għotja bħal din u ġejt ammess/a f’ istituzzjoni jew fi sptar u rilaxxat/a dik l-istess sena, proporzjon tal-għotja se jingħata għall-perjodu li għixt id-dar, sakemm ma tkunx dar privata – tħallas l-ispejjeż tad-dar privata.
Jekk tingħata l-għotja sħiħa bi żball, dan ikun jikkostitwixxi ħlas żejjed għall-perjodu mhux eliġibbli, liema ammont ikun jeħtieġ li jiġi rimborżat lid-Dipartiment tas-Sigurtà Soċjali.
Jekk l-għotja ma tiġix irċevuta għaliex int kont f’istituzzjoni jew fi sptar għal perjodu ta’ żmien, il-formola tal-applikazzjoni trid timtela, u titwaħħal ittra ta’ rilaxx mill-istituzzjoni/sptar.
F’każijiet ta’ mewt
Jekk l-għotja tal-SCG tiġi rċevuta kollha kemm hi, qabel id-data tal-mewt, ma jkun dovut l-ebda ħlas żejjed.
Jekk l-għotja tal-SCG kienet intitolata lill-anzjan/a, iżda l-istess anzjan/a miet/et qabel ma nħareġ il-ħlas, il-konjuġi/werrieta jridu japplikaw għal prorata minn wieħed mill-uffiċċju distrettwali billi jimlew formola ta’ applikazzjoni tal-werrieta.