IMWIELED/A FL-1951 JEW QABEL U ĦDIMT BĦALA IMPJEGAT/A (L-EBDA PENSJONI TAS-SERVIZZ), SELF-OCCUPIED JEW GĦAL RASEK

Jekk int imwieled/a fl-1951 jew qabel, int diġà rtirat/a u tirċievi l-pensjoni tas-sigurtà soċjali. Id-dħul tal-pensjoni li tirċievi huwa kkalkulat kif ġej:

Il-medja annwali tal-aħjar 3 snin kalendarji konsekuttivi fl-aħħar 10 snin kalendarji konsekuttivi qabel is-sena tal-irtirar tiegħek, jekk int kont persuna impjegata.

Għall-persuni li jaħdmu għal rashom/li huma self-occupied, ġew ikkunsidrati l-aħħar 10 snin kalendarji konsekuttivi, qabel is-sena tal-irtirar tiegħek.

Biex tikkwalifika għal pensjoni sħiħa kellek tħallas massimu ta’ 50 kontribuzzjoni tas-sigurtà soċjali kull sena għal massimu ta’ 30 sena.

• Jekk inti f’din il-kategorija ta’ pensjonant/a, stajt komplejt taħdem (bħala impjegat jew persuna li taħdem għal rasha jew self-occupied) waqt li tkun qed tirċievi l-pensjoni tiegħek tal-istat.
• F’każ ta’ impjieg lil hinn mill-età tal-pensjoni, jeħtieġ tħallas il-kontribuzzjonijiet tas-sigurtà soċjali sa 65 sena. Kontribut bħal dan ma kienx jiġi assenjat lill-istorja tal-kontribuzzjoni tiegħek iżda kien ikun dirett bħala kontribuzzjoni interġenerazzjonali min-naħa tiegħek.
• B’differenza tal-kontribuzzjonijiet tas-sigurtà soċjali li jieqfu jitħallsu fl-età ta’ 65 sena, jekk l-impjieg kien jinżamm lil hinn mill-età tal-pensjoni, it-taxxa kienet tkun dejjem dovuta sat-tmiem tal-impjieg.

Fil-qosor

Ilkoll smajna bil-pensjoni massima ta’ kull ġimgħa.

Kemm tirċievi pensjoni jiddependi fuq in-numru ta’ kontribuzzjonijiet imħallsa u s-salarju li daħħalt.

Madankollu, jekk int tirċievi salarju ikbar minn jew daqs id-dħul massimu tal-pensjoni u ħallast 30 sena ta’ kontribuzzjonijiet (imwieled/a fl-1951jew qabel), id-dħul tal-pensjoni tiegħek ġie kkalkulat skont il-limitu massimu tad-dħul pensjonabbli.

Pereżempju:

Is-sena 2008: dħul massimu tal-pensjoni: €16,601. Jekk is-salarju kien ikbar minn jew daqs l-ammont imsemmi, u ħallast 30 sena ta’ kontribuzzjonijiet, għadek kif irċevejt: €16,601 * (2/3) (żewġ terzi) * (50/50) (medja ta’ kontribuzzjoni sħiħa) /52 (kull ġimgħa) = €212.83 kull ġimgħa għas-sena 2008.

Id-dħul massimu tal-pensjoni jiżdied kull sena bl-allowance tal-għoli tal-ħajja. L-aġġustament tal-għoli tal-ħajja għal kull sena jitħabbar fid-diskors annwali tal-baġit.

L-għoli tal-ħajja huwa l-ispiża għaż-żamma ta’ ċertu livell ta’ għajxien.  Iż-żieda fl-għoli tal-ħajja, u f’termini abbrevjati COLA, hija ammont ta’ flus, aġġustata kull sena mill-gvern, biex jiġu protetti l-istandards tal-għajxien tan-nies.  F’Malta, l-aġġustament għall-għoli tal-ħajja (COLA) normalment jitħabbar matul id-diskors annwali tal-baġit nazzjonali u jidħol fis-seħħ f’Jannar tas-sena ta’ wara.  Dan kif jaħdem għall-pensjoni tagħna? Ikklikkja hawn  għal aktar informazzjoni.

Ir-reviżjoni tar-rati tal-pensjonijiet issir ukoll skont il-ftehim kollettiv, u fin-nuqqas ta’ dawn l-istrutturi tas-salarji, ir-reviżjonijiet isiru skont is-salarji li jkunu ggwadanjati mill-impjegat/a li kien/et j/tassumi r-responsabbiltajiet tal-pensjonant/a, taħt l-istess termini u kondizzjonijiet.