GĦALIEX L-IPPJANAR GĦALL-IRTIRAR TIEGĦEK HUWA DIFFIĊLI? - Gemma

It-teorija ekonomika tradizzjonali tissuġġerixxi li inti:

tissellef meta tkun għadek żgħir;
iġġemma’ fil-mezza età;
tibni ġid finanzjarju u tonfoq it-tfaddil fix-xjuħija.

Dan it-tip ta’ raġunament għadu ‘l bogħod milli jkun razzjonali. L-evidenza, ibbażata fuq riċerka ekonomika dwar l-imġiba, turi li l-biċċa l-kbira tan-nies jipposponu jew jevitaw id-dedikazzjoni jew l-involviment biex jilħqu għanijiet finanzjarji sodi, anke meta jkunu konxji li dan fl-aħħar mill-aħħar huwa fl-aħjar interess tagħhom.

Li ġġemma’ l-flus hi neċessità.

Drawwiet tajbin ta’ tfaddil jiffurmaw parti mill-aħjar intenzjonijiet tiegħek iżda meta taffaċċja kumplessità u għażla, x’aktarx tiddeċiedi li “tagħmel dan l-għada”, ħafna drabi tkun wisq għażżien biex toħroġ mill-comfort zone fejn int pjuttost sodisfatt b’kif sejrin l-affarijiet.

Qatt smajt li l-Behavioural Response jirrendi?

Liema minn dawn li ġejjin jixbhu l-attitudnijiet tiegħek meta taffaċċja kompitu importanti li għandek bżonn twettaq? Għandek it-tendenza li:

Tevita ċirkostanzi li mhux ċari?
Tippostponi deċiżjoni?
Tistrieħ wisq fuq l-ewwel biċċa informazzjoni li tingħata u tevita aktar informazzjoni?
Isserraħ fuq l-eżempji immedjati li jiġu f’moħħok?
Tħossok mifxul b’ħafna għażliet?
Tagħżel dejta li għandha t-tendenza li taqbel / tikkonforma mal-fehmiet eżistenti tiegħek?
Tirreaġixxi għal għażla mill-mod kif tiġi ppreżentata l-għażla? (eżempju: tevita li tistaqsi fuq ir-riskji meta tiġi ppreżentata għażla pożittiva)
Tadatta attitudni tal-massa fejn l-azzjonijiet huma bbażati fuq x’għażlu / qed jagħmlu l-maġġoranza?
Ma taġixxix, tibża’ mill-bidla?
Turi preferenza lejn l-evitar ta’ telf żgħir aktar milli l-akkwist ta’ qligħ akbar?
Tevalwa l-ġid/l-investimenti ta’ spiss filwaqt li tħossok sensittiv għat-telf?
Tħares lejn l-affarijiet b’attitudni li taf kollox?
Tagħti importanza lil dak li jirrendi fl-immedjat jiġifieri li huma eqreb lejn il-preżenti? (gratifikazzjoni istantanja)
Tmur għal dak li hu ċert għajr għal għażla li għandha rendiment inċert?

Xi attitudnijiet huma r-riżultat ta’ ħiliet ħżiena jew għarfien insuffiċjenti u kollha jistgħu jikkontribwixxu għal nuqqas ta’ azzjoni u deċiżjonijiet ħżiena iżda jistgħu jiġu sostitwiti bi drawwiet aktar kostruttivi u modi ġodda ta’ kif inġibu ruħna wara riflessjoni fuqna nfusna.

Jekk trid issir taf aktar dwar kif l-imġiba taffettwa l-mod kif tiddeċiedi fit-tul, tista’ taqra: ir-rapport finali (FR09/14) dwar “Qafas Strateġiku għall-Edukazzjoni tal-Investituri u l-Litteriżmu Finanzjarju” maħruġ mill-Board of the International Organisation of Securities Commissions f’Ottubru 2014: https://www.iosco.org/library/pubdocs/pdf/IOSCOPD462.pdf.

Dan huwa sors tajjeb għalik biex tirrifletti fuqu.

Niżżel il-kalkulaturi tagħna, iċċekkja xi tgħidu l-infografika tagħna, ara li tkun iggwidat mill-portal informattiv tagħna, fittex parir minn konsulenti professjonali. Ibda aġixxi issa.