ĠEMMA regolarment ippostjat dwar l-użu tal-karti ta’ kreditu tiegħek. Jekk ma tużax tajjeb il-kreditu tiegħek x’aktarx li tinqabad fi kwistjonijiet finanzjarji – li taqa’ lura f’pagamenti, taqbeż xi pagamenti, tħallas interessi ogħla, tikseb klassifikazzjoni negattiva tal-kreditu fost oħrajn.
Dan il-kalkulatur jippermettilek li tqabbel l-użu ta’ żewġ karti ta’ kreditu bl-użu ta’ żewġ parametri differenti ewlenin. Bil-karta ta’ kreditu 1 il-parametru ewlieni huwa l-ħin li tieħu biex tħallas il-bilanċ ta’ kreditu li għandek tagħti. Dan il-parametru jidher fl-ewwel kolonna. Bil-karta ta’ kreditu 2 il-parametru ewlieni huwa l-ħlas minimu ta’ kull xahar li tagħmel. Dan il-parametru jidher fit-tieni kolonna.
Il-kalkulatur jippermettilek issir taf liema karta ta’ kreditu taħdem l-aħjar għalik. Forsi, aktar importanti minn hekk jippermettilek issir taf x’inhu l-impatt fuq id-deċiżjonijiet li tagħmel fir-rigward ta’ kif tħallas il-flus li għandek tagħti. Għalhekk, pereżempju, fil-kalkulatur tal-karta ta’ kreditu 1 tikkalkula l-impatt tal-imgħax jekk kellek tħallas il-flus f’10 xhur. Il-kalkulatur juri li biex tħallas il-kreditu dovut f’10 xhur, għandek tħallas pagament ta’ €209.28 fix-xahar inkluż imgħax fix-xahar ta’ €16.67 – bil-ħlas totali jkun ta’ €2,173.06, li l-imgħax tiegħu huwa ta’ €173.06.
Jista’ jkun li tixtieq tikkalkula jekk hijiex deċiżjoni aħjar jekk tħallas pagament aktar baxx fix-xahar sabiex ikollok dħul disponibbli aktar fl-idejn – tiddeċiedi fuq ħlas ta’ €70 fix-xahar. Tikkalkula dan fuq karta ta’ kreditu 2. Il-kalkulatur jurik li din hija għażla għolja għax int tieħu 33 xahar biex tħallas il-bilanċ tal-kreditu. Il-ħlas totali jilħaq €2,625.00 li minnhom €625.00 imgħax.
L-iscreen shot hawn taħt juri kif dawn il-kalkoli huma murija mill-kalkulatur.
