Huwa kruċjali li wieħed jifhem kif taħdem il-kontribuzzjoni ta’ 10% tas-sigurtà soċjali li tħallas kull xahar bħala impjegat.
Fehim ħażin ta’ kif jaħdem dan jista’ jaffettwa t-teħid tad-deċiżjonijiet tiegħek għall-irtirar b’mod negattiv.
Il-kontribuzzjoni tas-sigurtà soċjali ta’ 10% titħallas fuq il-paga grossa medja biss. Dan ifisser li ma tħallas l-ebda kontribuzzjoni fuq xi fringe benefits jew kundizzjonijiet tal-impjieg li ma jiffurmawx parti mis-salarju gross tiegħek: bonus tal-produzzjoni, sahra, allowance shift, allowance tat-trasport, allowance tal-periklu, allowance tal-komunikazzjoni, eċċ.
It-Tabella ta’ hawn taħt turi kif din id-differenza jista’ jkollha effett negattiv fuq id-dħul tal-pensjoni tal-irtirar tiegħek.
| Paga Bażika | Allowances, | Totali | Kontribuzzjoni mħallsa | |
| Kundizzjonijiet tal-Impjieg | kull sena | |||
| u Fringe Benefits | ||||
| € | € | € | € | |
| Impjegat A | 24,986 | 0 | 24,986 | 2,498 |
| Impjegat B | 17,000 | 10,000 | 27,000 | 1,700 |
L-eżempju ta’ hawn fuq juri li impjegat B, minkejja li għandu paga gross annwali aktar baxxa minn dik ta’ impjegat A, fl-aħħar tas-sena għandu dħul gross ogħla. Is-salarju tiegħu huwa ssupplimentat b’sahra, bonus tal-produzzjoni, u diversi allowances. Madankollu, il-kontribuzzjoni annwali nazzjonali tal-assigurazzjoni li jħallas hija ferm aktar baxxa minn dik tal-impjegat A b’€798.
Għalhekk, għalkemm impjegat B għandu dħul ogħla, minħabba paga u allowances annwali grossi kkombinati, huwa se jirċievi pensjoni aktar baxxa matul l-irtirar minn impjegat A. Dan għaliex ma titħallas l-ebda kontribuzzjoni fuq allowances addizzjonali, kundizzjonijiet tal-impjieg u fringe benefits.
Huwa essenzjali li fl-ippjanar tal-irtirar tiegħek, tagħmel dan abbażi tas-salarju gross medju li taqla’, u mhux il-paga grossa medja miksuba flimkien ma’ dħul addizzjonali ieħor miksub mill-allowances, il-kundizzjonijiet tal-impjieg u fringe benefits.
Huwa vitali li jekk inti f’pożizzjoni li tagħmel dan, tibda tfaddal għall-irtirar tiegħek f’età bikrija. Ta’ min jinnota wkoll li inti trid teduka lil uliedek sabiex dawn jibdew iġemmgħu minn kmieni għall-irtirat tagħhom. Innota li jekk iġġemma’ €83 fix-xahar għal 40 sena mill-età ta’ 25 sena, bħala riżultat ta’ rata kumulattiva ta’ mgħax ta’ 2.5%, jagħti lil persuna pakkett ta’ rtirar ta’ €70,000 jew xi ħaġa simili.