It-tim ĠEMMA tella’ għodda ġdida – it-Tracker bil-Għan li Tfaddal.
L-ewwel trid tistabbilixxi l-għanijiet tat-tfaddil tiegħek. Għal xiex qed iġġemma’? L-għanijiet tat-tfaddil tiegħek jistgħu jkunu għat-twettiq tal-manutenzjoni fid-dar tiegħek jew għax-xiri ta’ sodda ġdida għat-tifla tiegħek. Tista’ tkun qed iġġemma’ għal vaganza tal-familja. Tista’ tkun qed iġġemma’ għall-irtirar jew għal fond għal meta jinqala’ xi ħaġa mhux mistennija. Tista’ tkun qed iġġemma’ għal dawn ir-raġunijiet kollha.
Ladarba tkun taf għal xiex qed iġġemma’ għalih, huwa importanti li tiddetermina kemm flus għandek bżonn biex iġġemma’ kull xahar sabiex tilħaq kull għan. Għaqqad l-għanijiet kollha ta’ tfaddil ta’ kull xahar tiegħek f’somma waħda. Trid issib dak l-ammont ta’ flus fil-baġit tiegħek – il-flus jiġu mwarrba sabiex tilħaq l-għanijiet tat-tfaddil tiegħek.
It-Tracker bil-Għan li Tfaddal jgħinek tagħmel dan. Hawn taħt nispjegaw: It-Tracker bil-Għan li Tfaddal ta’ ĠEMMA.
Taqsima A-1: It-Tracker bil-Għan li Tfaddal jippermettilek li ssegwi sa 5 għanijiet. Biex telenka l-għan tiegħek ikklikkja fuq “Għanijiet li Trid Tikseb” għal kwalunkwe wieħed mill-għanijiet. Biex iddaħħal il-“Valur tal-Għan” għandek tikklikkja fuq “Il-Valur tal-Għan” għal kwalunkwe wieħed mill-għanijiet. Fl-eżempju ta’ hawn taħt, l-Għan 1 huwa vaganza tas-sajf tal-familja, filwaqt li l-Valur tal-Għan huwa ta’ €2,000 – jiġifieri l-mira li ġġemma’ f’€ tissettjaha għalik innifsek.
Taqsima A-2: Dan huwa t-Tracker bil-Għan tat-Tfaddal. F’din it-taqsima tara kemm ġemmajt għal kull għan, u l-bilanċ li jifdal li għadek trid iġġemma’ biex tilħaq l-għan imsemmi. Il-grafika tal-bar tipprovdilek ħarsa rapida ta’ fejn qiegħed vis-à-vis li x’baqa’ biex tilħaq l-għan tiegħek.
Taqsima B: Dan huwa l-Planner li Jimmaniġġja dak li Ġemmajt. F’din it-taqsima inti taqbad dak li ġġemma’ kull xahar sabiex tkun f’pożizzjoni li tilħaq l-għanijiet ta’ tfaddil tiegħek u kif għandek tqassmu dan li ġġemma’ ta’ kull xahar fost l-għanijiet tiegħek. F’dan l-eżempju ddeċidejt li tiffranka €600 fix-xahar u tqassmu dan b’mod ugwali, 25% għal kull għan.
Taqsima Ċ: Dan huwa l-kont tat-Tracker tat-Tfaddil tiegħek.
Kull xahar għandek bżonn li manwalment:
- Tikkopja l-Valuri fil-Linja 37, Allokazzjoni tal-Valur għal dan ix-Xahar, fiċ-Ċelloli fil-Kolonni C sa G.
- Idaħħal il-Valuri għall-Ċelloli C sa G fil-Linja 47, Linja 48, eċċ.
